જણાવી દઈએ કે અટલ પેંશન યોજના ખાસ કરીને પ્રાઇવેટ ક્ષેત્રોમાં કામ કરતા લોકો માટે આ એક ખૂબ જ ખાસ યોજના છે. અટલ પેંશન યજનામાં ન ફક્ત તમે ઓછી રકમ જમા કરાવીને દરેક મહિને વધુ પેંશનના હકદાર બની શકો છો, પણ કસમય મૃત્યુના કિસ્સામાં તમારા પરિવારને પણ આનો લાભ અપાવી શકે છે.
અટલ પેંશન યોજના 9 મે 2015ના રોજ લોન્ચ કરવામાં આવી હતી. આ યોજનાનો હેતુ ઘડપણમાં વ્યક્તિને સહારો આપવાનો છે. આ પેંશન ફંડને ઇન્શ્યોરન્સ રેગ્યુલેટરી એન્ડ ડેવલોપમેન્ટ ઓથોરિટી ચલાવે છે. તમે વૃદ્ધાવસ્થા દરમ્યાન પોતાના સહારા માટે આ યોજનાની પસંદગી કરી શકો છો.
આ યોજનાના ફાયદા – આ અસંગઠિત ક્ષેત્રમાં કામ કરવાવાળા 18થી 40 વર્ષની ઉંમરના લોકો માટે જ છે. આ સુવિધા એ લોકો માટે છે જેઓ ટેક્સ નથી ભરતા અને જેનું ઈપીએફ અને ઈપીએસ એકાઉન્ટ નથી. આ અંતર્ગત, તમે 60 વર્ષની ઉંમરે પેંશનના હકદાર હશો. આ યોજનામાં, પેન્શન 1000 રૂપિયાથી 5000 રૂપિયા સુધીનું રહેશે.
જો તમે અટલ પેંશન યોજના અંતર્ગત 42 રૂપિયાની માસિક રકમ જમા કરવો છો તો તમને 60 વર્ષની ઉંમર પછી 1000 રૂપિયાનું માસિક પેંશન મળશે. જયારે દર મહિને 210 રૂપિયા જમા કરાવનારને 60 વર્ષ થવા પર 5000 રૂપિયાનું પેંશન મળશે. યોગદાન રાશિ બેન્ક એકાઉન્ટમાંથી જાતે જ ડેબિટ થઇ જશે. 31 માર્ચ 016 સુધી જે લોકો પણ આ યોજનાનો ભાગ બની ચુક્યા છે તેમને પહેલા પાંચ વર્ષોમાં જમા થવાવાળી રકમના 50 ટકા યોગદાન સરકાર આપશે. 60 વર્ષ પછી જો એકાઉન્ટ હોલ્ડર મૃત્યુ પામે છે તો પેંશનની રકમ તેના જીવનસાથીને આપી દેવામાં આવશે. ત્યારે જો પત્નીનું પણ મોત થઇ જાય છે તો નોમિનીને 1000 રૂપિયા પેંશન માટે 1થી 7 લાખ અને 5000 રૂપિયાના પેંશન માટે 5થી 8 લાખ રૂપિયા મળશે.
જાણો કેટલા પેંશન માટે આપવા પડશે કેટલા રૂપિયા:
આ યોજના અંતર્ગત તમે તમારી ઉમર અને ઇચ્છિત પેંશનના હિસાબથી પ્રીમિયમ ભરી શકો છો. ધારો કે તમારી ઉમર 18 વર્ષ છે અને તમે 60 વર્ષની ઉમર પછી 1000 રૂપિયાનું માસિક પેંશન ઈચ્છો છો, તો તેના માટે તમારે ફક્ત 42 રૂપિયા માસિક ભરવા પડશે. જયારે 2000 રૂપિયાના માસિક પેંશન માટે 84 અને 3000 રૂપિયાના માસિક પેંશન માટે 126 રૂપિયા આપવા પડશે. પોતાની ઉંમરના હિસાબથી તમારે રકમ જમા કરાવવી પડશે.
0 comments:
Post a Comment